Էներգաարդյունավետ վարքագիծ

✅ Սենյակից կամ տնից դուրս գալիս լույսերն անջատելը պարզ և արդյունավետ քայլերից մեկն է։ Երբ դա սովորույթ է դառնում, կարող է զգալի էներգախնայողություն ապահովել։

❌ Անվտանգության համար կարող եք կիրառել ավելի էներգաարդյունավետ լուծումներ, որոնցից է շարժման տվիչով կամ ժամանակով միացող լուսավորությունը։

✅ Ժամանակակից լվացքի միջոցները թույլ են տալիս հագուստն արդյունավետ լվանալ նույնիսկ սառը ջրով: Անհրաժեշտ է նկատի ունենալ, որ սպառված էլեկտրաէներգիայի մոտ 85%-ը ծախվում է ջրի տաքացման համար:

❌ Թեև կարող է թվալ, թե կիսով չափ բեռնված մեքենան ավելի էներգաարդյունավետ կաշխատի, սակայն իրականում ամբողջությամբ լցված մեքենան ծախսում է գրեթե նույնքան էլեկտրաէներգիա, որքան կծախսի կիսով չափ լցվածը կամ ամբողջովին դատարկը:

✅ Լիցքավորիչների և ընդհանրապես էլեկտրոնային սարքերի՝ վարդակից անջատելը տնտեսում է սպառվող էլեկտրաէներգիայի մինչև 5%-ը:

❌ Լիցքավորիչները շարունակում են էլեկտրաէներգիա սպառել, նույնիսկ եթե որևէ սարքի միացված չեն:

✅ Կաթսայի չափին համապատասխան այրիչ օգտագործելիս սննդի պատրաստումը կլինի ավելի էներգաարդյունավետ։

❌ Փոքր կաթսայի համար մեծ այրիչ օգտագործելն էներգիայի վատնում է:

✅ Սառեցված մթերքը սառնարանի խցիկ տեղափոխելու դեպքում խցիկի ջերմաստիճանը իջնում է, հետևաբար սառնարանն ավելի քիչ էլեկտրաէներգիա է սպառում ներքին ջերմաստիճանը պահպանելու համար:

❌ Մթերքը սառնարանից դուրս թեև ավելի շուտ կապասառեցնեք, սակայն կկորցնեք էլեկտրաէներգիա խնայելու հնարավորությունը: Իսկ միկրոալիքային վառարանը միացնելով՝ ոչ միայն չեք խնայի, այլև կսպառեք հավելյալ էլեկտրաէներգիա:

✅ Էլեկտրաէներգիան չվատնելու համար անհրաժեշտ է եռացնել բացառապես տվյալ պահին անհրաժեշտ քանակի ջուր։

❌ Հավելյալ ջուր եռացնելը կարող է հարմար թվալ, սակայն այն, որպես կանոն, չի օգտագործվում մինչև սառչելը։ Նույնը վերաբերում է նաև նախապես եռացված ջրին՝ արդյունքում վատնվում է էլեկտրաէներգիան։

✅ 24-26°C-ով օդորակիչն աշխատում է արդյունավետ․ հաճախ անցնում է նվազ հզորության ռեժիմի կամ անջատվում է՝ արդյունքում խնայելով էլեկտրաէներգիա և տարածքում պահպանելով օդի կայուն ու մեղմ ջերմաստիճան։

❌ Օդորակիչը նվազագույն ջերմաստիճանի ռեժիմով միացնելով՝ ավելի արագ չեք հովացնի սենյակը։ 16°C-ը միայն ստիպում է, որ սարքն ավելի երկար աշխատի և ավելի շատ էներգիա սպառի։ Բացի այդ օդորակիչը հաճախ միացնելն ու անջատելը կարող է ավելացնել սպառումը:

✅ Ջեռուցման համակարգը նվազագույն ջերմաստիճանի վրա թողնելիս տունը ամբողջությամբ չի սառչի, և երբ վերադառնաք, ավելի արագ ու քիչ ծախսով կկարողանաք ապահովել հարմարավետ ջերմություն։

❌ Բնակարանն առանց ջեռուցման կարող է արագ սառչել, և ժամեր անց նորից տաքացնելը կտևի ավելի երկար, ու կծախսվի ավելի շատ էներգիա: Ջեռուցումը բարձր ջերմաստիճանի վրա պահելը երբ տանը մարդ չկա, հանգեցնում է էներգիայի անհարկի վատնմանը։